BJÖRGVIN FRANZ
LEIKARI & FYRIRLESARI
UM BJÖRGVIN FRANZ
Björgvin Franz Gíslason útskrifaðist frá leiklistardeild LHÍ vorið 2001 og hefur leikið margvísleg hlutverk hjá Þjóðleikhúsinu, Borgarleikhúsinu og hjá Leikfélagi Akureyrar. Hann hefur verið tilnefndur til fjölda verðlauna og hlaut Grímuverðlaunin sem Söngvari ársins árið 2023. Hann hefur leikið burðarhlutverk í sjónvarpsþáttum og kvikmyndum bæði hérlendis og erlendis og starfaði um árabil sem umsjónarmaður Stundarinnar Okkar sem vann meðal annars Edduna fyrir flokkinn “Besta barnaefnið.”
Eftir Meistaranám sitt frá University of Minnesota var honum boðið starf sem kennari hjá Stjórnendanámi Símenntunar Háskólans á Akureyri og hefur starfað þar síðan árið 2018 samhliða leiklistinni.
Fyrirlestrar Björgvins hafa einnig notið gríðarlegra vinsælda en hann byggir þá að stærstum hluta á Meistaranámi sínu sem og eigin reynslu. Helstu kúnnar Björgvins eru stjórnendateymi og starfsfólk Icelandair, Íslandspósts, Arion banka, Íslandsbanka, Vinnueftirlitsins, Hafnarfjarðarbæ sem og fjöldinn allur af kennurum og skólastjórnendum víðsvegar um landið.
AFHVERJU FYRIRLESTRAR?
Björgvin Franz klessti á vegg út í Minneapolis árið 2011. Hann hafði nýlokið tökum á hinni sívinsælu Stundinni Okkar og ætlaði loksins að hafa það náðugt með fjölskyldunni í nýju landi, í nýju Meistaranámi. Björgvin hafði hinsvegar unnið 300% vinnu á Íslandi árin áður og hið nýfundna fjölskyldulíf í Bandaríkjunum umbreyttist í depurð og óskiljanlega vangetu á ýmsum sviðum.
Í Meistaranáminu rakst Björgvin hinsvegar á kúrsa sem urðu kveikjan að gerbreyttum lífsháttum hans þar sem heilbrigð orkuskipti og hleðsla urðu að forgangsatriðum.
Einnig var lögð áherslu á aukna starfsánægju og leiðtogahæfni. Þessi umfangsmikla breyting gerði Björgvini kleift að skapa andrými til að vaxa og dafna sem öflugur og fókuseraður listamaður.
Þessar gagnreyndu aðferðir hafa svo orðið grunnurinn að tveimur fyrirlestrum Björgvins; annarsvegar
Okið Undan Sjálfum mér og Fjörugar Leiðir til Færni, sem hann hefur flutt fyrir þúsundir starfsmanna í yfir 40 fyrirtækjum, skólum og bæjarfélögum víðsvegar um landið.
.jpg)
OKIÐ UNDAN SJÁLFUM MÉR
30 - 45 mínútur
Hreinskilinn fyrirlestur þar sem Björgvin lýsir því hvernig hann náði að breyta eigin vinnubrjálæði yfir í innri ró og raunverulega starfsánægju. Hann veltir því upp hvernig maður nær þeim árangri að verða betri starfskraftur með því að eyða færri klukkustundum í vinnunni en meiri tíma með fjölskyldu vinum. Aðferðirnar sem Björgvin styðst við hafa verið notaðar til að þjálfa afreksíþróttafólk og forstjóra stærstu fyrirtækja heims til að öðlast betri árangri í sínu fagi sem og í lífinu.
FJÖRUGAR LEIÐIR TIL FÆRNI
30 - 45 mínútur
Fjörugar leiðir til færni er nýjasti fyrirlestur Björgvins Franz sem hann byggir á Meistaranámi sínu frá University of Minnesota. Í þessum fyrirlestri fer hann markvisst í gegnum fimm gagnreyndar aðferðir til að ná öflugri árangri í starfi með sérstakri áherslu á starfsánægju, aukið flæði og að nýta starfsorku á skilvirkan og öflugan máta.
BÓKANIR & FYRIRSPURNIR
Bókanir og fyrirspurnir vegna fyrirlestra og samstarfs fara í gegnum Móðurskipið.
